၁၉၄၆ ခုနှစ် မှတ်တမ်း

ဇန်နဝါရီလ

(၁) ရက်။

• အရှေ့အာရှတောင်ပိုင်း စစ်သေနာပတိချုပ်မောင်ဘက်တန်က ကြေညာချက်အမှတ် ၁ ကို ထုတ်ပြန်ပြီး ဗြိတိသျှစစ်အုပ်ချုပ်ရေးရုပ်သိမ်းကြောင်း ကြေညာ။

(၈) ရက်။

• ဗြိတိသျှအစိုးရက ဖဆပလကိုယ်စားလှယ်အဖွဲ့ အင်္ဂလန်နိုင်ငံသို့ လာရောက်ဆွေးနွေးမည့်ကိစ္စကို လက်မခံကြောင်းပြန်ကြား။

(၁၉) ရက်။

• မြန်မာနိုင်ငံဘုရင်ခံက ဗိုလ်ချုပ်အောင်ဆန်းနှင့် သခင်သန်းထွန်းတို့ကို ဖိတ်ခေါ်၍ အင်္ဂလန်နိုင်ငံသို့ နှစ်ဦးတည်းသွားလိုလှျင် စီစဉ်ပေးမည်ဖြစ်ကြောင်း မေးမြန်း။ ဗိုလ်ချုပ်အောင်ဆန်းမှ ဖဆပလအဖွဲ့ချုပ် အမှုဆောင်အဖွဲ့သို့ တင်ပြပြီးမှ အမှုဆောင်အဖွဲ့၏ ဆုံးဖြတ်ချက်အတိုင်း လိုက်နာမည်ဟု အကြောင်းပြန်ကြား။

(၃၀) ရက်။

• မြန်မာနိုင်ငံအတွက် ဗြိတိသှျစစ်အုပ်ချုပ်ရေး ရပ်စဲ။

ဖေဖေါ်ဝါရီလ

(၁) ရက်။

• မြန်မာနိုင်ငံတစ်ဝန်း စစ်အုပ်ချုပ်ရေးရုပ်သိမ်း။

(၂) ရက်။

• အောင်ဆန်း-အက်တလီစာချုပ်မူကြမ်းကို ဖဆပလအလုပ်အမှုဆောင်အဖွဲ့က လက်ခံခဲ့။

မတ်လ

(၁) ရက်။

• မြန်မာနိုင်ငံဘုရင်ခံဆာဒေါ်မန်စမစ်က ဖဆပလကိုယ်စားလှယ်အဖွဲ့ အင်္ဂလန်နိုင်ငံသွားရေးနှင့်စပ်လျဉ်း၍ လေယာဉ်ပျံဖြင့်မဟုတ်ဘဲ သင်္ဘောဖြင့် စီစဉ်ပေးမည်ဟု အကြောင်းပြန်။

(၃) ရက်။

• တိုင်းပြုပြည်ပြုလွှတ်တော်အတွက် ဖဆပလအမတ်လောင်းများ စာရင်းကြေညာ။

(၂၀) ရက်။

• ပထမအကြိမ်ပင်လုံညီလာခံသို့ ဦးနု၊ ဦးဘဂျမ်းနှင့် မန်းဘခိုင်တို့ ဖဆပလကိုယ်စားလှယ်အဖြစ် တက်ရောက်။

ဧပြီလ

(၄) ရက်။

• စာရေးဆရာ၊ ပန်းချီဆရာ၊ ကာတွန်း ကံချွန် မွေးဖွား။

(၁၉) ရက်။

• အထက်မြန်မာပြည်အတွက် မန္တလေးမြို့၌ လူထု သတင်းစာ စတင်ထွက်ရှိသည်။

မေလ

(၁၈) ရက်။

• အင်းစိန်ခရိုင် ထန်းတပင်မြို့နယ်တွင် ဗြိတိသျအစိုးရ၏ ဖိနှိပ်ချုပ်ချယ်မှုကို ကန့်ကွက်သောဆန္ဒပြမှုဖြစ်ပေါ်၊ ဆန္ဒပြသူများကို သေနတ်ဖြင့် ပစ်ခတ်သောကြောင့် တောင်သူလယ်သမားတစ်ဦး သေဆုံး။ သေဆုံးသူများ၏ ဈာပနအခမ်းအနားသို့ ဗိုလ်ချုပ်အောင်ဆန်းကိုယ်တိုင် တက်ရောက်၍ ချုပ်ချယ်မှုဥပဒေများကို ကန့်ကွက်။

(၁၉) ရက်။

• ဖဆပလပဏာမညီလာခံကို ဂျူဗလီဟောတွင် ကျင်းပပြီး၊ သမ္မတအုပ်ချုပ်ရေးမူကို အတည်ပြုခဲ့။

(၂၃) ရက်။

• စာရေးဆရာ ဇင်သန့်၊ စာရေးဆရာ မွေးဖွား။

(၂၈) ရက်။

• စာရေးဆရာ ဝင်းငြိမ်း မွေးဖွား။

ဇွန်လ

(၇) ရက်

• ကန်တော်မင်ပန်းခြံ၌ ပြည်သူ့လွတ်လပ်ခွင့်များ ချုပ်ချယ်မှုများကို ရှုတ်ချသော လူထုဆန္ဒပြပွဲတစ်ခု ဖြစ်ပေါ်။

(၁၀) ရက်

• တိုင်းပြုပြည်ပြုလွှတ်တော် ပထမအစည်းအဝေးကျင်းပ။ ယာယီသဘာပတိအဖြစ် သခင်မြက ဆောင်ရွက်။

(၂၆) ရက်

• ဗြိတိသျှတို့၏ စက္ကူဖြူအုပ်ချုပ်ရေးကို တိုင်းရင်းသားပေါင်းစုံ တစ်သိန်းကျော်တက်ရောက်သော လူထု အစည်းအဝေးပွဲကြီးမှ ကန့်ကွက်ဆန္ဒပြခဲ့။

ဇူလိုင်လ

(၁) ရက်။

ဩဂုတ်လ

(၄) ရက်။

• ဘုရင်ခံဆာဒေါ်မန်စမစ်နေရာတွင် မေဂျာဂျင်နရယ်ဆာဟူးဘတ်ရန့်စ် ခန့်ထား။ မြန်မာနိုင်ငံ၏အခြေအနေကို ပေါ်လစီသစ်ဘုရင်ခံသစ်ဖြင့် ရုပ်လုံးဖော်ရန်အတွက် နန်းရင်းဝန်အက်တလီက လုပ်ဆောင်ခဲ့ခြင်းဖြစ်။

စက်တင်ဘာလ

(၅) ရက်။

• ဦးအေး၊ ဦးစိုးရှိန်၊ ဦးဝမ်းမောင်တို့ ခေါင်းဆောင်သည့် ပုလိပ်သပိတ်ကြီးပေါ်ပေါက်ခဲ့ပြီးနောက် သမဂ္ဂပေါင်းစုံ သပိတ်များဖြင့် သပိတ်တိုက်ပွဲများ ဆက်တိုက်ဖြစ်ပေါ်ခဲ့ပြီး ဗြိတိသျှအစိုးရ၏ အုပ်ချုပ်ရေး ယန္တရားကြီးတစ်ခုလုံး ရပ်ဆိုင်းလုနီးပါးဖြစ်ခဲ့။ ထိုသပိတ်များသည် မြန်မာနိုင်ငံသို့ ဆာဟူးဘတ်ရန့်စ် ရောက်ရှိပြီးနောက် ပေါ်ပေါက်လာခဲ့ခြင်းဖြစ်။

(၁၅) ရက်။

• စာတိုက်အလုပ်သမားများ သပိတ်မှောက်။


• 
  မြို့မ-ဦးသန်းကြွယ် ခေါင်းဆောင်သည့် မြန်မာနိုင်ငံကျောင်းသားများ သပိတ်မှောက်။

(၁၇) ရက်။

• ဆာပေါ်ထွန်းခေါင်းဆောင်သော ရုပ်သေးအစိုးရ ပြုတ်ကျ။ ဘုရင်ခံဆာဟူးဘတ်ရန့်စ်က ဗိုလ်ချုပ်အောင်ဆန်း ခေါင်းဆောင်သော ဖဆပလအဖွဲ့ချုပ်မှ ကိုယ်စားလှယ်များကို ဖိတ်ခေါ်ပြီး ဘုရင်ခံအလုပ်အမှုဆောင်(ဝန်ကြီး)အဖွဲ့ကို ဖွဲ့စည်းရန် မေတ္တာရပ်ခံ။

(၂၁) ရက်။

• စက္ကူဖြူတိုက်ပွဲဆင်နွှဲ။

(၂၂) ရက်။

• 
  ဗိုလ်ချုပ်အောင်ဆန်းနှင့် ဒေါ်ခင်ကြည်တို့ စတုတ္ထသမီးကို ဖွားမြင်သည်။ (ဖွားမြင်ပြီး ၅ ရက်အကြာတွင် ကွယ်လွန်သည်။)

(၂၃) ရက်။

• တစ်ပြည်လုံးတစ်နိုင်ငံလုံးရှိ အစိုးရအမှုထမ်းပေါင်းစုံ သပိတ်မှောက်။၁၉၄၆ ခုနစ် အထွေထွေ သပိတ်တွင် ဗမာ နိုင်ငံလုံးဆိုင်ရာ ကျောင်းသားများ သပိတ်မှောက် ကောင်စီ ဒုတိယ ဥက္ကဋ္ဌ မြို့မ-ဦးသန်းကြွယ်သည် အတွင်းဝန်ရုံးအပြင်ဘက်တွင်သာမက အတွင်းဝန်ရုံးအတွင်း ဝင်၍ အရေးဆိုခဲ့ရာတွင် မြန်မာနိုင်ငံကျောင်းသားထု တစ်ရပ်လုံးအား ဦးဆောင်ခဲ့။

(၂၆) ရက်။

• ဗိုလ်ချုပ်အောင်ဆန်းခေါင်းဆောင်သည့် ဖဆပလအစိုးရအဖွဲ့ ဖွဲ့စည်း။ အစိုးရအဖွဲ့တွင် ၁။ ဗိုလ်ချုပ်အောင်ဆန်း (ဒု-ဥက္ကဋ္ဌကာကွယ်ရေးနှင့်နိုင်ငံခြားရေး)၊ ၂။ သခင်မြ (ပြည်ထဲရေးနှင့် တရားရေး)၊ ၃။ ဦးတင်ထွဋ်(ဘဏ္ဍာရေးနှင့် အခွန်တော်) ၄။ ဦးဘဘေ (ကူးသန်းရောင်းဝယ်ရေးနှင့် ထောက်ပ့ံရေး)၊ ၅။ မန်းဘခိုင်(အလုပ်သမားနှင့် စက်မှုလက်မှု)၊ ၆။ ဦးအောင်ဇံဝေ (ကျန်းမာရေးနှင့်လူမှုဝန်ကြီးဌာန)၊ ရ။ ဦးသိန်းဖေ(လယ်ယာစိုက်ပျိုးရေးနှင့် ကျေးလက်စီးပွားရေး)၊ ၈။ သခင်ဘစိန်(သယ်ယူပို့ဆောင်ရေး)၊ ၉။ ဂဠုန်ဦးစော(ပညာရေးနှင့်အမျိုးသားစီမံကိန်း)၊ ၁၀။ စောဘဦးကြီး(ပြန်ကြားရေး)၊ ၁၁။ ဆာမောင်ကြီး (ပြန်လည်ထူထောင်ရေး)၊

(၂၇) ရက်။

• ဗိုလ်ချုပ်အောင်ဆန်း ဒုတိယဥက္ကဋ္ဌအဖြစ်ဆောင်ရွက်သော ဘုရင်ခံအမှုဆောင်(ဝန်ကြီး)အဖွဲ့ကို ဖွဲ့စည်း။ ထိုအဖွဲ့တွင် ၁။ ဗိုလ်ချုပ်အောင်ဆန်း(ဒုတိယဥက္ကဋ္ဌ ကာကွယ်ရေးနှင့် နိုင်ငံခြားရေး) ၂။ သခင်မြ (ပြည်ထဲရေးနှင့်တရားရေး)၊ ၃။ ဦးဘဘေ(ကူးသန်းရောင်းဝယ်ရေး) ၄။ ဦးတင်ထွဋ်(ဘဏ္ဍာရေး)၊ ၅။ တက်ဘုန်းကြီးဦးသိန်းဖေ (သိန်းဖေမြင့်)(စက်မှုလက်မှုနှင့်အလုပ်သမား)၊ ၆။ မန်းဘခိုင်(စက်မှုလက်မှုနှင့်အလုပ်သမား)၊ ရ။ ဂဠုန်ဦးစော (ပညာရေး)၊ ၈။ ဦးအောင်ဇံဝေ(ပေါင်းသင်းဆက်ဆံရေး)၊ ၉။ သခင်ဘစိန်(သယ်ယူပို့ဆောင်ရေး)၊

(၂၉) ရက်။

• ဖဆပလအဖွဲ့ချုပ်မှ ဦးဆောင်ခဲ့သည့် ပြည်လုံးကွျတ်စက္ကူဖြူစီမံကိန်း ကန့်ကွက်ပွဲကို မူလစီစဉ်ထားသည့်အတိုင်း ပြုလုပ်ခဲ့။ ဘုရင်ခံအမှုဆောင်ကောင်စီအဖွဲ့ဝင်တစ်ဦးဖြစ်သော ဖဆပလ အဖွဲ့ချုပ်ဥက္ကဋ္ဌ ဗိုလ်ချုပ်အောင်ဆန်းကိုယ်တိုင် ပါဝင်ဆင်နွှဲခဲ့။

အောက်တိုဘာလ

(၃) ရက်။

• ဘုရင်ခံအမှုဆောင်ကောင်စီအဖွဲ့၏ အာဏာကိုသုံးစွဲပြီး ဗိုလ်ချုပ်အောင်ဆန်းက အမှုထမ်းပေါင်းစုံသပိတ်ကိုယ်စားလှယ်များနှင့် ဆွေးနွေးခဲ့။

နိုဝင်ဘာလ

(၈) ရက်။

• ဗိုလ်ချုပ်အောင်ဆန်းခေါင်းဆောင်သော အမှုဆောင်ကောင်စီလူကြီးအဖွဲ့ မြန်မာနိုင်ငံအားအချုပ်အခြာအာဏာပိုင် လွတ်လပ်သောနိုင်ငံတစ်နိုင်ငံအဖြစ် ထူထောင်မည့် အခြေခံဥပဒေရေးဆွဲရန် အစီအစဉ်များကို ပြုလုပ်နေပြီဖြစ်ကြောင်း ကြေငြာ။

(၁၀) ရက်။

• ဖဆပလအဖွဲ့ချုပ်က အချက်လေးချက်ပါရှိသော တစ်နှစ်အတွင်း လွတ်လပ်ရေးကြေညာချက်ကို ထုတ်ပြန်။ ကြေညာချက်ပါ တောင်းဆိုချက်များကို ၁၉၄၇ ဇန်နဝါရီ ၃၁ မတိုင်မီကာလတွင် မလိုက်လျောပါက ဖဆပလဝန်ကြီးများ အမှုဆောင်ကောင်စီ(ဝန်ကြီး)အဖွဲ့မှ နုတ်ထွက်မည်ဖြစ်ကြောင်း ကြေညာ။

(၁၇) ရက်။

• ဖဆပလ၊ ကွန်မြူနစ် ညီညွတ်ရေးလုပ်ငန်းရပ်စဲကြောင်း ဖဆပလအဖွဲ့ချုပ်က ကြေညာ။

(၂၀) ရက်။

• 
  သခင်ဗဟိန်းသည် ငှက်ဖျားရောဂါနှင့် မန္တလေးမြို့ ပြည်သူ့ဆေးရုံကြီးတွင် ကွယ်လွန်။

ဒီဇင်ဘာလ

(၂၀) ရက်။

• အောက်လွှတ်တော်၌ မြန်မာပြည်ကိုယ်စားလှယ်အမှုဆောင်များနှင့် ဆွေးနွေးရန် အဆိုတင်သွင်းအတည်ပြုခဲ့ပြီး၊ အင်္ဂလန်သို့ ကိုယ်စားလှယ်စေလွှတ်ရန် ဘုရင်ခံအမှုဆောင်အဖွဲ့ကို ဖိတ်ကြား။ မြန်မာ့လွတ်လပ်ရေးအတွက် ဆွေးနွေးမည်ဟု ကြေညာ။ ဒုတိယအကြိမ် ဖဆပလ ပြည်လုံးကျွတ် ညီလာခံကြီးကျင်းပ။